Көппәтерлі және жеке тұрғын үйлердің аулаларында құқықтық тәртіпті қамтамасыз етуге ерекше назар аударды.
Қылмыстарды ізің суытпай, сондай-ақ бұрын жасалған қылмыстарды да ашты.
Нәтижесінде іздеуде жүрген 6 адам ұсталды. Мысалы полиция Ресей Федерациясының Омбы облысы бойынша ФЖӨҚБ іздеген ер адамды анықтап ұстады. 2004 жылы Ресей Федерациясының аумағында 43 жастағы ер адам зорлау жасады. Ал Тәжікстан Республикасының 30 жастағы азаматы 2021 жылдың қараша айынан бастап мемлекеттік шекараны заңсыз кесіп өткені үшін тергеуден жасырынған, – деп хабарлады Павлодар облысы ПД бастығының бірінші орынбасары Жасқайрат Қайыров.
Осы іс-шараны өткізу барысында Ертіс өңірінің полицейлері 1799 бұзушылықтың жолын кесті: ұсақ бұзақылық, тыныштық пен көші-қон заңнамасын бұзу, сондай-ақ қоғамдық орындарда мас күйінде болу.
Кәмелетке толмағандардың қауіпсіздігіне ерекше назар аударылды. Екі күн ішінде кәмелетке толмағандардың түнгі уақытта ойын-сауық орындарында немесе үйден тыс жерде болғаны үшін 87 ата-ана жазаланды.
Ата-аналары мен басқа да заңды өкілдерінің бала тәрбиелеу жөніндегі міндеттерін орындамағаны үшін 38 азамат әкімшілік жауапкершілікке тартылды.
Отбасылық-тұрмыстық қатынастар саласындағы құқыққа қайшы әрекеттері бойынша облыстың 161 тұрғыны анықталды.