«Еуразия» бірінші арнасының хабарлауынша, әкесі қызын өлтіріп, 15 жастағы өгей ұлын да пышақпен жаралаған. Қазір бала ауруханада жатыр, жағдайы бірқалыпты. Күдікті қамауға алынды. Ол өмір бойына бас бостандығынан айырылуы мүмкін.
Көршілері қыздың мейірімді, ақкөңіл екенін айтты. Таныс отбасылар мектеп оқушысын әкесімен бірге ойын алаңында жиі көретін. Олар әлі күнге дейін шоктан шыға алмай жүр.
«Мен оның анасын бала кезімнен білемін, біз мұнда 1975 жылдан бері тұрамыз. Қарапайым отбасы болған», - дейді көршісі.
Тергеу барысы Ішкі істер министрлігі мен Қалалық полиция департаменті басшылығының бақылауында.