Мұны Құрама Штаттардың бірнеше ақпарат құралы хабарлады.
Олардың қатарында CNN телекомпаниясы мен Politico басылымы бар. Американдық журналистердің дерегінше, Зеленский АҚШ Конгрессінің алдында сөз сөйлеп, президент Джо Байденмен кездеседі, деп жазады qazaqstan.tv.
Өзге бір деректерге қарағанда, Украина лидері қазірдің өзінде Құрама Штаттарға ұшып барады.
Америка Сенаты Украина мен НАТО-ға шұғыл көмекке шамамен 45 миллиард доллар бөлу мәселесін қарастырып жатыр. Және де АҚШ Киевке «Пэтриот» зымырандық қорғаныс жүйесін жөнелту жоспарын мақұлдауға жақын.
