Абырой болғанда құтқарушылар дер кезінде жетіп, далада қалған жолаушыларды түгелдей қауіпсіз жерге апарды, деп жазады qazaqstan.tv.
Зардап шеккендер жоқ. Ал Ақтау елді-мекеніндегі үш жүкті келіншек Теміртаудағы перзентханаға жеткізілген. Кеше басталған ат құлағы көрінбейтін ақтүтек боран әлі де сейілер емес. Қазір барлық бағыттағы жолдар жабық.
Қарағанды облысының аумағында дауылды ескерту жарияланды. Қазіргі уақытта ауа-райы жағдайының нашарлауына байланысты қар, бұрқасын, екпінді жел, көрінудің шектелуінен республикалық маңызы бар тас жолдардың 10 учаскесінде көлік қозғалысы жабылды. Автожолдардың жабық учаскелерінде бекеттер ұйымдастырылды. Нұржан Жақатаев, облыстық Төтенше жағдайлар департаментінің басқарма басшысы