Атап айтқанда, азаматтар мен заңды тұлғалар ірі көлемдегі қалдықтарды өз бетінше шығаруы, ал құрылыс немесе жөндеу жасаған ұйым жұмыс орнын өз қаражаты есебінен қалпына келтіруі қарастырылған.
"Бүгінде заңды және жеке тұлғалар контейнерлер мен контейнер алаңдарының жанынан ірі көлемдегі қалдықтарды (жиһаз, сантехника, құрылыс материалдары) жиі алып кетеді. Қоқыс таситын көлікке, мысалы, гардероб немесе диванды көтеріп, тиеу мүмкін емес. Осыған орай, мұндай қалдықтардың иелері қатты тұрмыстық қалдықтарды полигонға өздері шығаруға тиіс. Қағидаларға тиісті норма қосылады", - делінген хабарламада.
Құрылыс-монтаж жұмыстарын жүргізген ұйым өз қаражаты есебінен бүлінген немесе бұзылған абаттандырудың бастапқы көрсеткіштерін қалпына келтіруге (яғни, жерді тегістеп, асфальт төсеуге және жиектер).
Сонымен қатар қалалар мен елді мекендердің аумақтарын абаттандырудың Үлгілік қағидаларында қоқыс шығару ұйымдары мен жалпы елді мекенді абаттандыруды жүзеге асыратын ұйымдардың функциялары бөлінеді.
2023 жылғы 2 қаңтардағы заңмен "Жасыл аумақтарды күтіп-ұстаудың және қорғаудың үлгілік қағидаларын" бекіту құзыреті өсімдіктер дүниесін қорғау, қалпына келтіру және пайдалану саласындағы уәкілетті органға (ЕЖТБ) берілді. Осыған байланысты НҚА жобасында жасыл желектерді күтіп-ұстаудың және қорғаудың үлгілік ережелері алынып тасталды.
Құжат қоғамдық талқылау үшін 30 қаңтарға дейін Ашық НҚА веб-сайтына жарияланған.
