Бұған дейін эвакуацияланған 12 ауыл тұрғыны уақытша ұстау изоляторында, тағы 79 адам туыстарына қоныстанған. 365 адам үйлеріне оралды, деп хабарлайды Төтенше жағдайлар министрлігінің баспасөз қызметі.
Су тасқынымен күресу жұмыстары жалғасуда. 26 наурызда облысқа қосымша күштер жіберілді.
"26 наурызда Қобда елді мекеніне 32 адам, Төтенше жағдайлар департаментінен 12 техника, оның ішінде сорғыш техникасы қосымша күштер мен құралдар жіберілді." Ақтөбе облысы ТЖД
Құтқарушылар суды сорып, құм толған мөшектерді орнату жұмыстарын жалғастыруда. Төтенше жағдайлар департаментінің мәліметінше, жағдай тұрақты бақылауда.
24 наурызда Ойыл ауданы Қаратал ауылында табиғи төтенше жағдай режимі жарияланды. Ауылда Ойыл өзені арнасынан асып, 11 үйді су басты.
Наурыз айының басында Ақтөбе облысында су тасқынына байланысты ауыл тұрғындары қауіпсіз жерге көшірілді. Зардап шеккен ауыл тұрғындары үшін 24 жаңа үй салынады.
