Бұған дейін синоптиктер Қазақстанның солтүстігінде қар жауатынын ескерткен.
15-17 сәуірде Қазақстанда Қара теңіз аймақтарынан келетін белсенді, ылғалды циклон және Скандинавия түбегі аймақтарынан келетін суық арктикалық ауа басым болады.
"Синоптиктердің болжамынша, суық пен ыстық ауаның алмасуы салдарынан еліміздің басым бөлігінде тұрақсыз ауа райы қалыптасады. "Батыста жаңбыр, солтүстік облыстарда арты қарға ұласатын жаңбыр жауып, бұрқасын, көктайғақ, тұман болады", делінген "Қазгидромет" хабарламасында.
"15 сәуір, Астана, жаз бітті, қайта қыс келді", - дейді видео авторы.
Айта кетсек, қолайсыз ауа райына байланысты (көктайғақ, тұман) Қазақстанның үш облысындағы тас жолдардың 8 учаскесі жабылғаны хабарланған болатын.
