Атап айтсақ, облыстық құрылыс басқармасының мәліметінше, Тараз қаласында 10, Байзақ ауданында 10, Жамбыл ауданында 8, Жуалыда 10, Меркіде 10, Мойынқұмда 6, Қордайда 15, Сарысуда 8, Таласта 9, Шуда 9 Т.Рысқұлов ауданында 11 үй салынады деп жоспарланған.
Оның ішінде 69 жаңа құрылыс, 24 күрделі жөндеу және 13-і сатып алу арқылы жүзеге аспақ.
Сурет: Жамбыл облысы әкімінің баспасөз қызметі
Осыған орай, облыс әкімі Нұржан Нұржігітов 2020 жылы басталған жобаның негізгі тәрбиелік мәнін назарда ұстау керектігін баса айтып, жауаптыларға нақты міндеттер жүктеген болатын.
«Асарлатып үй салу» жобасының басты мақсаты - ауыл жұртшылығын жанашырлық пен бірлікке жұмылдырып, сол арқылы жас ұрпаққа өнеге көрсете отырып, әлеуметтік осал топтағы, көп балалы отбасылар мен мұқтаж жандарға үй соғып беру.
Сурет: Жамбыл облысы әкімінің баспасөз қызметі
Жалпы, бұл жоба бойынша 2020-2022 жылдар аралығында 338 отбасы баспанамен қамтылған.
Нақтырақ айтсақ, 2020 жылы 99 тұрғын үй, 2021 жылы 134,
Сурет: Жамбыл облысы әкімінің баспасөз қызметі
2022 жылы 105 үй тапсырылған.
Сурет: Жамбыл облысы әкімінің баспасөз қызметі