Қазақстанда бір аптада қандай өнімдер қымбаттады

Бір аптада әлеуметтік маңызы бар азық-түлік тауарларының құны 0,1%-ға өсті. Ал жылдық көрсеткіште – 10,7%-ға, деп хабарлады Ұлттық статистика бюросы, деп хабарлайды Zakon.kz.

25 сәуірдегі кейбір тауарлардың орташа бағасы:

1. айран, 2,5% - 399 теңге/литр;
2. қант – 442 теңге/кг;
3. рожки – 315 теңге/кг.

Азық-түлік бағасы сәл қымбаттады, атап айтқанда: сүт, айран, күріш, сәбіз, пияз, қырыққабат, сары май, ет, жұмыртқа және тұз.

Әлеуметтік маңызы бар азық-түлік тауарларының тізімінде 19 атау бар. Дүкендердегі, супермаркеттердегі, базарлардағы бағаларға мониторинг апта сайын жүргізіледі.

Қазақстандағы көптеген әлеуметтік маңызы бар өнімдердің бағасы әр қалада қымбаттап жатыр.