"Бісмілләһир-Раxманир-Раxим! Алланың қалауымен, елдің ақ тілегімен бүгін Астанамыздағы “Алланың гүлі” аталып кеткен Ырыскелді қажы атындағы мешітке бас имам боп тағайындалдым. Бұл мен үшін қуанышты жаңалық! Енді Астана жұртшылығымен және қала қонақтарымен осы мешітте жүздесеміз. Еліміз тыныш, жұртымыз аман, бірлігіміз берік, руханиятымыз тұғырлы болсын", – деп жазды Нұрлан ұстаз.
Айта кетсек, бұған дейін Нұрлан Байжігітұлы Алматы облысындағы мешіттердің бірінің бас имамы болған. Ол әлеуметтік желі арқылы адамдардың тұрмыс-тіршілігіне жақын әрі өте қарапайым сұрақтарына да жауап беріп, халыққа жақын бола түскен имамның бірі.
Сурет: Instagram/nurlanimam.kz
