Үкіметтің баспасөз қызметінің мәліметінше, "Даму" АТО" Damumed деректер қорын Денсаулық сақтау министрлігіне берді. Бұл шара "Е-Денсаулық" жүйесі базасында бірыңғай республикалық медициналық деректер қорын құру және медициналық ұйымдар арасында ақпарат алмасу үшін іске асырылған.
17 мамыр күнгі Экономиканы демонополизациялау жөніндегі комиссия отырысында премьер-министр Әлихан Смайылов "Е-Денсаулық" жүйесін құру бойынша жұмысты жеделдету және осы саладағы реттеудің тиімділігін арттыру үшін заңнамалық түзетулер дайындау қажет екенін атап өтті.
"Бүгінде нарықтың 80%-дан астамын "Даму" АТО" ЖШС-іне тиесілі Damumed жүйесі қамтиды. Республикалық деңгейде медициналық ақпараттық жүйелер арасында деректер алмасудың толыққанды тетігінің болмауы нарықта бәсекелестікке жатпайтын жағдайлар туғызып, салдарынан қазақстандық медициналық ұйымдар бір медициналық ақпараттық жүйеден басқасына ауысқанда қиындықтарға кезігіп отыр".ҚР үкіметінің баспасөз қызметі
Сондай-ақ кеңесте отын-энергетика кешеніндегі монополияға қарсы шараларды жүзеге асыру барысы да талқыланды.
