Тергеу барысында елордалық әйел таңертеңгі уақытта Тәуелсіздік даңғылындағы дүкенге келгені белгілі болды.
Клиент кейпінде тауарларды қарастырып жүріп, өзінің іс-әрекетін ешкім байқамай тұрған сәтті пайдаланып, азық-түліктерді жасырын алып, дүкеннен кетіп қалған. Ұрлыққа қатысы бар әйел мойындау көрсетпелерін берді.
Оның елорда аумағында бұрын жасалған осыған ұқсас қылмыстарға қатысы бар-жоғы анықталып жатыр.
Астана қаласының полиция департаменті сауда қызметкерлеріне қырағы болуға, күдікті тұлғаларға назар аударуға және жұмыс орнын қараусыз қалдырмауға кеңес береді.