Polisia.kz-тің хабарлауынша, Алматы облысы Қарасай ауданының полиция қызметкерлері Алматы-Бішкек автожолында BMW автокөлігін тоқтатқан.
"Тінту барысында автомобиль жолаушысынан ерекше иісі бар ақ ұнтақ зат тәркіленді, сондай-ақ басқа жолаушыдан МК-471С травматикалық тапаншасы тәркіленді. Қазір сот-химиялық сараптама тағайындаумен тергеу әрекеттері жүргізіліп жатыр", - делінген хабарламада.
Аталған деректер ҚР Қылмыстық кодексінің 287-бабының 3-бөлігі және 296-бабының 4-бөлігі бойынша тіркелді.
Еске салайық, бұған дейін БАҚ 2 маусымда "Алтын орда" базары директорының орынбасары ұсталғанын хабарлаған еді.
