Илья алаяқтық жасағаны үшін №45 (орташа қауіпсіздік) мекемеде жазасын өтеуде.
2020 жылы біреудің жеке куәлігін тауып алған болатынмын, сол кезде маған ақша керек болды. Микрокредиттік ұйымға несиеге онлайн-өтінім беріп көрдім. Үшінші әрекеттен кейін мақұлданды. Соманы қолма-қол ақшаға айналдыру үшін мен ер адамға ұқсайтын досымнан банкке барып, жеке шот ашуды өтіндім. Осылайша мүлдем бейтаныс адамға бірнеше несие рәсімдедім. Бұл ақшаға мен ішімдік, азық-түлік сатып алып, өмірдің рахатын көрдім, – дейді Илья.
Одан әрі ақша таусылып, әрі қарай несие алу бойынша айла-шарғысы тоқтаған кезде құрылыс материалдары мен компьютерлік техника сату жайлы хабарлама орналастырған. Хабарландыру бойынша қоңырау шалған адамдар жоқ зат үшін алдын ала төлем жіберіп отырған. Ал Илья оның орнына жеке куәліктің суретін жіберіп, бір жылдан астам уақыт бойы алаяқтықпен айналысқан, деп жазады Pavlodarnews.kz.
Адамдар тым аңғал, маған ақша жібереді. Тауарды көрмей тұрып, олай жасаудың қажеті жоқ. Мен оның осы аңғалдығын пайдаландым, – дейді Илья.
Ол өзінің мұндай әрекеттерді жасағанына қатты өкінетінін және осында болған кезде ғана бостандықтың бағасын түсінгенін айтады.
Қазіргі уақытта ол ҚР ҚК 190-бабының 3-бөлігінің 4-тармағында көзделген қылмысы үшін жазасын өтеп жатыр. Онымен рецидивтің алдын алу бойынша жұмыс жүргізілуде, сонымен қатар психолог қабылдайды. Сотталған адамның ата-анасы жоқ, балалар үйінде өскен, әпкесімен байланыста, – дейді мекеме бастығының орынбасары Нұрлан Тойғанбаев.
