Орман шаруашылығы комитетінің мәліметінше, өрттің алдын ала аумағы 30 мың гектарды құрайды.
"Алты тікұшақ жұмылдырылды, өрт маңын аэровизуалды барлау және өрттерге су төгу жұмыстары жүргізілуде. Барлығы 154 тонна көлемінде 55 су төгу жұмыстары жүргізілді", - деп хабарлады ведомствоның Telegram-каналында. Бұл туралы ҚР Төтенше жағдайлар министрлігі хабарлады.
Юрий Ильин Солтүстік Қазақстан облысына жұмыс сапарын Абай облысындағы өртке және өртті сөндіруге тартылған күштер мен құралдарды үйлестіру қажеттілігіне байланысты үзді. Министр Төтенше жағдайлар министрлігінің Дағдарысты басқару орталығындағы штабты өзі басқарады.
Атап өткендей, Абай облысында табиғи өртке байланысты сенім телефоны ашылып, Төтенше жағдайлар министрлігі мен Төтенше жағдайлар департаменті психологтарының жұмысы ұйымдастырылды: 8 7172 53-32-84, 8 722 235- 38-31. Сондай-ақ, көмекке мұқтаж тұрғындар «112» және «101» телефондарына хабарласа алады.
Бұған дейін ҚР Төтенше жағдайлар министрлігінің басшысы Юрий Ильин 2023 жылдың 8 маусымында Абай облысындағы өрт аумағы кемінде 3 гектарды құрап, кейін 100 гектарға дейін күрт өскенін айтқан болатын. Оның айтуынша, ауданның күрт өсуіне алғашқы жағдайды дұрыс бағаламау себеп болған.
