Прокурор сөзінің басында жариялылық принципі бұзылмағанын, заңды шешім қабылдауға барлық негіз бар екенін айтты.
"Әйгерім Тілеужанованы кінәлі деп танып, бес жылға бас бостандығынан айыру жазасын орташа қауіпсіздік мекемесінде өтеуді сұраймын", - деді прокуратура өкілі.
Сотталушылар Нұрпейісов, Дәлібаев, Шилібаев және Кәрменов үшін айыптаушы тарап 11 жылға бас бостандығынан айыру жазасын орташа қауіпсіздік мекемесінде өтеуді сұрады.
Алматының қылмыстық істер жөніндегі мамандандырылған ауданаралық соты 2022 жылғы қаңтар оқиғасы кезінде әуежайда жаппай тәртіпсіздік ұйымдастырды деген күдікке ілінгендерге қатысты істі қарайды. Бұған дейін сотта "Эйр Астана" компаниясының өкілі сөз сөйлеп, келтірілген шығын туралы айтқан болатын.
