Бұл туралы 2023 жылдың 17 шілдесінде комитеттің бұрынғы төрағасының дәйексөзі берілген Instagram парақшасынан белгілі болды.
"Бүгіннен бастап, басқа жұмысқа ауысуыма орай, Экология және табиғи ресурстар министрлігі Орман шаруашылығы және жануарлар дүниесі комитетінің төрағасы қызметін тоқтатамын. Еліміздің табиғат қорғау саласының дамуына үлес қосу мен үшін үлкен абырой және жауапкершілігі мол қызмет болды. Әріптестеріме алғыс білдіре отырып, алдағы еңбектеріне сәттілік тілеймін!" Нұрлан Қылышбаев
Нұрлан Қылышбаев 1971 жылы Талдықорған қаласында дүниеге келген. Қазақ Еңбек Қызыл Ту орденді ауыл шаруашылығы институтын, Д.А.Қонаев атындағы гуманитарлық институтын бітірген.
Еңбек жолын 1993 жылы «Талдықорған – Нижний Новгород» сауда үйінің жетекші маманы болып бастаған. 1994-1999 жылдары Талдықорған орман шаруашылығы өндірістік бірлестігінің жетекші инженері, Қазақстан Республикасы Ішкі істер министрлігі органдарында қызмет етті, сонымен қатар Талдықорған қаласы әкімінің көмекшісі болды. 1999-2013 жылдар аралығында Жамбыл облысы әкімінің аппаратында, Алматы облысының табиғи ресурстар басқармасында түрлі қызметтер атқарған, коммерциялық ұйымның президенті болған. 2013-2016 жылдары - Алматы облысы Ескелді ауданының әкімі.
2016-2017 жылдары - алтыншы сайланған Қазақстан Республикасы Парламенті Сенатының депутаты, Әлеуметтік-мәдени даму және ғылым жөніндегі тұрақты комиссияның мүшесі. 2019-2021 жылдары - Қазақстан Республикасы Парламенті Сенаты жанындағы Сенаторлар кеңесінің хатшысы.
Нұрлан Қылышбаев 2022 жылдың 4 ақпанында ҚР Министрлігі Орман шаруашылығы және жануарлар дүниесі комитетінің төрағасы болып тағайындалды.