"Түнгі қаладағы балалар" акциясының бірінші күні полиция қызметкерлері 66 заң бұзушылықты анықтады. Облыста жедел іс-шаралар 17 шілдеде басталып, бұл күні бес бала бейімдеу орталығына жеткізілді. Олардың ата-анасы құқықтарынан айырылуы мүмкін, деп хабарлайды YK-news.
"Мәселен, Глубоковский аудандық полиция бөлімінің қызметкерлеріне Белоусовкада жеті жасар баласы бар әйелдің жүйелі түрде ішімдік ішетіні, балаға қарамайтыны туралы ақпарат түсті. Кәмелетке толмаған баланы алып кетіп, орталыққа жөнелтілді. Әйел ата-ана құқығынан айырылуы мүмкін. Қазір бұл үшін қажетті құжаттарды жинап жатырмыз". ШҚО ПД баспасөз қызметі
Сонымен қатар, полицейлер балаларды тәрбиелеу міндеттерін орындамаудың 15 фактісін, кәмелетке толмағандармен жасалған бұзақылықтың төрт фактісін, қоғамдық орындарға мас күйінде келуінің, сондай-ақ кәмелетке толмағандардың алкогольдік ішімдіктерді ішуінің үш фактісін және 44 қылмысты анықтады. Кәмелетке толмағандардың сағат 23.00-ден 6.00-ге дейін заңды өкілінсіз үйден тыс жерде болуына тыйым салынады.
Дәл осы күні, 17 шілдеде Таразда полиция қызметкерлері әкесінің көлігін тізгіндеген екі кәмелетке толмаған баланы анықтады. Полицейлер Toyota Land Cruiser және Porsche Cayenne көліктерін тоқтатты: белгілі болғандай, көлікті 17 және 15 жастағы жасөспірімдер жүргізген.