Көктал ауылының тұрғындары бір баланы мектепке апару үшін айына кемінде 20 мың теңге жұмсауы керек. Көкталдың өзінде мектеп жоқ болғандықтан, балаларды көрші ауылдағы сыныпқа жіберуге тура келеді. Ал кейбір отбасыларда бірден бірнеше мектеп оқушылары бар. Көптеген ауыл тұрғындарының мұндай көлік шығындарын көтере алмайды.
Жергілікті тұрғындар мектеп жетіспеушілігі мәселесін осыдан 10 жыл бұрын айта бастаған. Осы уақыт бойы балалар Көкталдан алты шақырым жердегі Өтеген батыр ауылына оқуға барады. Бұл мәселе әкімдермен өткен жиында қайта-қайта көтерілгенімен, Талғар ауданының соңғы онжылдықтағы бұрынғы бес басшысының ешқайсысы оны шеше алмады.
"Сегіз жылдан бері жаңа мектеп саламыз деп уәде беріп келеді. Жыл сайын уәдемен ғана тойдырып келеді. Көрші ауылға автобус аз, таксиге қыруар қаржы кетеді", - дейді жергілікті тұрғын Ерік Нұғманов Zakon.kz сайтына.
Алматы облысының білім басқармасы бұл мәселе "Жайлы мектеп" бағдарламасы аясында шешілетінін хабарлады. Бұған қазірдің өзінде қаражат бөлінген.
"2023 жылы Көктал кентіндегі Айғаным шағын ауданында 600 орындық жаңа мектептің құрылысы басталады. Жақсы, жайлы мектеп салынады. Жалпы, облыс бойынша 60-тан астам жалпы білім беру мекемесінің құрылысы жоспарлануда", - деді Zakon.kz тілшісіне Алматы облысы білім басқармасының баспасөз хатшысы Айжан Бұхарова.
Көктал ауылындағы мектеп құрылысын 2023 жылдың соңына дейін аяқтау жоспарлануда. Жаңа білім ошағын салуға қанша қаржы бөлінгені нақтыланбаған.