Ойын Ақтөбеде өтіп, 2:1 есебімен қонақтардың жеңісімен аяқталды. Бұл Конференция лигасының екінші іріктеу кезеңінің қарымта ойыны болды.
"Ақтөбе" есепті ашты. 31-минутта Максим Самородов гол соқты. Екінші таймда 58-минутта Георгий Арабидзе таразы басын теңестірсе, Ираклий Бугридзе 66-минутта шешуші голды салды.
Осыған қарамастан, екі кездесудің қорытындысы бойынша "Ақтөбе" 5:3 есебімен жеңіске жетіп, қазақстандық клубқа Лиганың үшінші іріктеу кезеңіне шығуға мүмкіндік берді.
"Ақтөбе" ЦСКА София (Болгария) – "Сепси" жұбының жеңімпазымен ойнайды.
Бұған дейін "Тобыл" "Базельден" ұтылып, жалпы есепте Конференция лигасының келесі кезеңіне өткен еді.