"Тобыл" "Базельден" жеңіліп қалғанымен, Конференция лигасының келесі кезеңіне өтті

Тобыл, сурет - Zakon.kz жаңалық 04.08.2023 00:14

Сурет: fctobol.kz

Бүгін футболдан UEFA Конференция лигасы екінші іріктеу сатысында қостанайлық "Тобыл" Швейцарияның "Базель" командасымен қарымта ойын өткізді, деп хабарлайды Zakon.kz "ҚазАқпарат"-қа сілтеме жасап.

Кездесуді швейцариялық команда белсенді бастады.

Нәтижесінде олардың қатарынан Антон Каде 26-минутта есеп ашса, Жан Кевин Огустен 32-минутта пенальтиден басымдықты арттырды.

Ойынның 43-минутында "Базель" қақпасына белгіленген пенальтиден Серж Дебле мүлт кеткен жоқ.

Осылайшағ "Тобыл" қарсыласынан 1:2 есебімен жеңіліп қалды.

Айта кетейік, алғашқы кездесуде қостанайлық клуб қарсыласынан 3:1 есебімен басым түскен еді.

Екі ойынның нәтижесімен қостанайлық клуб жарыстың үшінші сатысына жолдама алды.

Қостанайлық клуб жарыстың үшінші сатысында "Тобыл" 10 және 17 тамыз күндері "Дерри Сити" (Ирландия) және КуПС (Финляндия) жұбының жеңімпазымен ойнайды.

Оқи отырыңыз