"Қазгидромет" РМК ұсынған мәлімет бойынша, республиканың солтүстігінде, шығысында, орталығында ауа температурасы күндіз +18+25°С-қа дейін бірте-бірте көтерілетін болса, батыста, солтүстік-батыста – + 13 + 23 °С градусқа дейін төмендейді.
"Елдің оңтүстігінде, оңтүстік-шығысында негізгі фондық температура +22+30°C", – делінген хабарламада.
Бұл ретте, болжам бойынша, алдағы күндері республиканың басым бөлігінде найзағай ойнап, екпінді жел аралас жаңбыр жауады.
"8-9 қыркүйекте солтүстік-батыста, 9 қыркүйекте республиканың солтүстігінде қатты жаңбыр жауады, оңтүстік-шығыстың таулы аймақтарында түнде қар аралас жаңбыр жауады деп болжанды". "Қазгидромет" РМК баспасөз қызметі
Синоптиктер Қазақстанның үш мегаполисіндегі 2023 жылғы 7-9 қыркүйекке арналған күн райы болжамын ұсынды.
