Мемлекет басшысының тапсырмасына сәйкес Ауғанстанға қолдау көрсету үшін мемлекеттік материалдық резервтен азық-түлік, шатырлар, киім-кешек және төсек-орын жабдықтары бөлінді.
Жіберілген гуманитарлық жүктердің тізімінде барлығы 1659 тонна көлемін құрайтын 13 атау бар.
Дәрі-дәрмек пен шатырлар Ұлттық ұланның ұшақтарымен жөнелтілді.
Мемлекет басшысы Қасым-Жомарт Тоқаев Ауғанстанға құтқарушылар мен гуманитарлық көмек жіберуді тапсырды.
7 қазанда Ауғанстанда 6,2 балдық жер сілкінісі болып, 2 мыңнан астам адам қаза тапты.
Сондай-ақ бүгін, 11 қазанда, шамамен 272 мың адам тұратын Ауғанстанның Герат қаласынан солтүстік-батысқа қарай 34 шақырым жерде магнитудасы 6,5 болатын тағы бір күшті жер сілкінісі болды. Әзірге зардап шеккендер мен қираулар туралы ақпарат түскен жоқ.
