Ұлттық қауіпсіздік комитетінің мәліметінше, Ақтауда жүргізілген операция нәтижесінде есірткіні тасымалдап, сатты деген күдікпен Қазақстанның төрт азаматы ұсталды.
"Тінту барысында 100 кг аса "марихуана" есірткі заты тәркіленді. Бұл факт Қылмыстық кодекстің 297-бабы 3-бөлігі бойынша сотқа дейінгі тергеп-тексерудің бірыңғай тізіліміне тіркелді." ҰҚК баспасөз қызметі
Өзге ақпараттар Қылмыстық-процестік кодекстің 201-бабы 1-бөлігіне сәйкес жария етуге жатпайды.
2023 жылдың 6 қазанында Қазақстан Республикасы Ұлттық қауіпсіздік комитетінің Алматы қаласы бойынша департаментінің қызметкерлері синтетикалық есірткінің екі ірі астыртын өндірісін жою бойынша операция жүргізгені белгілі болды. Бұл туралы толығырақ жоғарыдағы сілтемеден оқи аласыз.