Осылайша, жұмыссыздарды тіркеуді "Еңбек ұтқырлығы орталығы" жүргізетіні айтылды.
Бұрын оларды тіркеумен жергілікті жұмыспен қамту органдары айналысатын.
Жұмыс беруші бос жұмыс орындарының бар-жоғы туралы ақпаратты олар пайда болған күннен бастап бес жұмыс күні ішінде еңбек жағдайлары мен төлемақыны көрсете отырып, enbek.kz порталында мансап орталығына жібереді.
Бұрын жұмыс берушілер ақпаратты жазбаша түрде ғана бере алатын.
Еңбек ұтқырлығы орталығында тіркелген жұмыссыз адам жұмысқа орналасу мәселелері бойынша жұмыс берушіге әңгімелесудің уақыты мен орны туралы мансап орталығы хабарлаған күннен бастап үш жұмыс күні ішінде жүгінеді.
Бұрын өтініш беру мерзімі бес жұмыс күні ішінде болатын.
Бұйрық 2023 жылғы 11 қарашадан бастап қолданысқа енгізіледі.
Бұған дейін Еңбек министрлігі зиянды еңбек жағдайында жұмыс істейтін қазақстандықтардың 55 жастан бастап арнаулы әлеуметтік жәрдемақы алуға құқығы бар деген ақпаратты жоққа шығарған болатын.