Синоптиктер 2-4 қараша күндері Астана, Алматы және Шымкент қалаларында күн райы қалай болатынын айтты

"Қазгидромет" РМК мамандары алдағы үш күнде – 2023 жылғы 2-4 қараша аралығында Астана, Алматы және Шымкентте күн райы қандай болатынын айтты, деп хабарлады Zakon.kz.

Болжам бойынша, тек елордада жаңбыр мен қар жауады, ал еліміздің екі мегополисінде күн жауын-шашынсыз болады.

Астанада:

2 қараша – көшпелі бұлтты, өткінші жауын-шашын (жаңбыр, қар) жауады, түнде және таңертең тұман түсіп, көктайғақ болады. Оңтүстік-батыстан соғатын желдің күші 9-14, күндіз екпіні 15-20 м/с болады. Ауа температурасы түнде 0-2°C, күндіз +6+8°C;

3 қараша – көшпелі бұлтты, жауын-шашынсыз. Оңтүстік-батыстан 5-10 м/с жел соғады. Ауа температурасы түнде 0,+2°C, күндіз +8+10°C;

4 қараша – көшпелі бұлтты, жауын-шашынсыз. Оңтүстік-батыстан соғатын жел солтүстік-батысқа ауысады, екпіні 9-14 м/с. Ауа температурасы түнде +3+5°С, күндіз +8+10°С.

Алматыда:

2 қараша – көшпелі бұлтты, жауын-шашынсыз, түнде және таңертең тұман түседі. Солтүстік-шығыстан 0 -5 м/с жел соғады. Ауа температурасы түнде +2+4°С, күндіз +13+15°С;

3 қараша – көшпелі бұлтты, жауын-шашынсыз. Жел 0-5 м/с. Ауа температурасы түнде +3+5°С, күндіз +12+14°С;

4 қараша – көшпелі бұлтты, жауын-шашынсыз. Жел 0-5 м/с. Ауа температурасы түнде +3+5°С, күндіз +14+16°С.

Шымкентте:

2 қараша – көшпелі бұлтты, жауын-шашынсыз, түнде және таңертең тұман түседі. Оңтүстік-шығыстан 3-8 м/с жел соғады. Ауа температурасы түнде +3+5°С, күндіз +17+19°С;

3 қараша – көшпелі бұлтты, жауын-шашынсыз. Солтүстік-шығыстан 8-13 м/с жел соғады. Ауа температурасы түнде +3+5°С, күндіз +18+20°С;

4 қараша – көшпелі бұлтты, жауын-шашынсыз. Оңтүстік-шығыстан 8-13 м/с жел соғады. Ауа температурасы түнде +3+5°С, күндіз +18+20°С.