Энергетика министрлігінің басшысы журналистердің сауалдарына жауап бере отырып, әңгіме жаңа нысандардың құрылысы туралы болып жатқанын баса айтты. Тарифтер газ жеткізушіге және жылу электр орталығын жаңғыртудың аяқталу мерзіміне байланысты болады.
"Газ ішкі бағамен жеткізіледі.Бірақ біз нысандарды аяқтау мерзіміне, газ инфрақұрылымын қосуға, тиісті келісім-шарттар жасауға қатысты мәселелерді ескеруіміз керек.Сондықтан қандай да бір өсім болады. бірақ бұл тарифтердің күрт өсуіне әкелмеуін қамтамасыз етуге тырысамыз", - деді Алмасадам Сатқалиев.
Алматы ЖЭО-2 2026 жылы толығымен газға көшеді. Ресей мен Украинадан негізгі құрал-жабдықтарды жеткізу мәселесіне байланысты мерзімдер кешіктірілді.
