"Қазгидромет" РМК ұсынған мәлімет бойынша, еліміздің басым бөлігінде күн райы құбылмалы. Синоптиктердің болжауынша, Қазақстан Республикасының солтүстігінде жауын-шашын (жаңбыр, қар) түсіп, жел күшейеді, көктайғақ болады.
Республика бойынша тұман түседі деп болжанды.
Астанада – көшпелі бұлт шығады, өткінші жауын-шашын (жаңбыр, қар), тұман түседі. Оңтүстік-батыстан соғатын жел батысқа ауысады 9-14 м/с, түнде және таңертең екпіні 15-20 м/с болады. Ауа температурасы түнде және күндіз +1+3°C.
Алматыда – көшпелі бұлт шығып, өткінші жауын-шашын (негізінен жаңбыр) жауады. Түнде және таңертең тұман. Солтүстік-батыстан 3-8 м/с жел соғады. Ауа температурасы түнде +2+4°С, күндіз +7+9°С.
Шымкентте – көшпелі бұлт шығады, жауын-шашынсыз. Түнде және таңертең тұман түседі. Оңтүстік-шығыстан 3-8 м/с жел соғады. Ауа температурасы түнде +1+3°С, күндіз +12+14°С.