Мемлекет басшысының тапсырмасымен жер ресурстарын басқару департаментінің мамандары прокурорлармен бірлесіп, биыл өңірде 40-қа жуық тексеріс жүргізді.
Нәтижесінде заңға қайшы 28 дерек анықталды. Жер кодексін бұзған шаруаларға 2 миллион теңгеден астам айыппұл салынды, деп жазады qazaqstan.tv.
Жекенің қолына заңсыз өтіп кеткен жер телімдері бойынша тиісті материалдар жинақталып сотқа жіберілді.
"44 талап-арыз сотта қаралып жатыр. Себебі, жерді жалға алған азаматтар, оны өз еркімен қайтарғысы келмейді. Жыл соңына дейін біз 330 мың гектар жерді мемлекет иелігіне қайтарамыз деп жоспарлап отырмыз. Кейін бұл учаскелердің бір бөлігі ауыл тұрғындарына жайылымдық жер ретінде берілетін болады." Бақытжан Бекіш, облыстық жер ресурстарын басқару департаментінің басшысы