"Қазавтожол" ҰК" АҚ хабарлауынша, ауа райының нашарлауына байланысты республикалық тас жолдардың екі учаскесінде көліктің барлық түрлері үшін қозғалыс жабылды:
- 26 желтоқсан сағат 1.00-ден бастап – "Астана – Қабанбай батыр – Нұра – Теміртау" (51-101 км, Ақмола облысының шекарасы – Нұра ауылы) автожолында;
- 26 желтоқсан сағат 8:20-дан бастап – Екатеринбург – Алматы тас жолында (1426-1353 км, Теміртау ақы – Ақмола облысының шекарасы).
Қарағанды облысының Төтенше жағдайлар департаменті автокөлік жүргізушілеріне арналған ескерту жариялап, барлық облыс тұрғындарын дауылды ескерту кезінде қауіпсіздік ережелерін қатаң сақтауға шақырды.
Төтенше жағдайлар департаменті қажет болмаса, көшеге шығуға немесе елді мекендерден тыс жерлерге шығуға кеңес бермейді.