Бұл туралы бүгін, 2023 жылғы 29 желтоқсанда Астана сотының баспасөз қызметі хабарлады.
"Астана қаласының мамандандырылған ауданаралық тергеу соты күдікті Бекетаев М.-ға қатысты қамауға алу түріндегі бұлтартпау шарасын 2024 жылдың 21 қаңтарына дейін ұзартуға санкция берді", - деп растады Zakon.kz тілшісіне Астана сотының баспасөз қызметі.
2023 жылдың 21 қазанында Сыбайлас жемқорлыққа қарсы қызмет Қазақстанның бұрынғы әділет министрін қызмет бабын асыра пайдаланды деген күдікпен ұстағаны белгілі болды. Ведомствоның мәліметінше, "ұсталған тұлға айқын қажетсіз қызметтерді көрсетуге жыл сайынғы келісім-шарттар жасасу арқылы аффилиирленген компанияның мүддесін қорғап, сол арқылы мемлекетке аса ірі көлемде зиян келтірген".Сонымен бірге Антикор бұрынғы әділет министрінің атын ресми түрде атамады, бірақ кейбір ақпарат көздері ұсталған адамның кім екенін сенімді түрде анықтады. Толық ақпарат жоғарыдағы сілтемеде.
23 қазанда Антикор Қазақстанның ұсталған бұрынғы әділет министрі Марат Бекетаев екенін растады.
Марат Бекетаев 2016 жылдың қыркүйегінен 2022 жылдың қаңтарына дейін ҚР Әділет министрі қызметін атқарған. Кейін 14 қаңтарда Қазақстан Республикасы Премьер-Министрінің кеңесшісі болып тағайындалды. Бір айға жуық уақыт өткен соң, 12 ақпанда мемлекеттік аппараттың жаңа құрылымында Марат Бекетаев бұдан былай премьер-министрдің кеңесшісі болып жұмыс істемейтіні белгілі болды.
