Өңірлік ПД баспасөз қызметінің ақпаратына сәйкес, облыс аумағында қалың қар жауып, боран борап тұр. Осы ретте азаматтардың қауіпсіздігін қамтамасыз ету мақсатында полиция қызметкерлері республикалық және облыстық маңызы бар жолдардағы кезекшілікке жұмылдырылған.
"Түркістан облысынан Жамбыл облысына қарай бағыта "Шымкент - Алматы" тас жолының Машат және Шақпақ ата асулары жабық. Жазатайым оқиғалардың алдын алу үшін аталған учаскеде үш блок-бекет орнатылды", делінген хабарламада.
Полицейлер азаматтарды шұғыл қажеті болмаса алыс жолға шықпаған жөн екенін ескертеді.
Айта кетсек, қолайсыз ауа райына байланысты еліміздің сегіз облысында көлік қозғалысы шектелгені хабарланған болатын.