2023 жылдың 28 желтоқсанынан бастап "Астана-Теміртау" автожолында (Жібек жолы ауылынан – Теміртау қаласына дейін) көліктің барлық түрі үшін қозғалысқа шектеу енгізілген еді.
Алайда қазіргі уақытқа дейін "Астана-Теміртау" автожолының Осакаровка ауылынан Батпақты ауылына дейінгі бөлігінде жол көрінбейді.
Бүгін сағат 10:30-дан бастап "Астана-Қабанбай батыр-Нұра-Теміртау" баламалы тас жолының 16-101-шақырымында көлік қозғалысына шектеу алынып тасталды. Аталған учаске "Астана-Теміртау" ақылы автожолынан 106 шақырымға ұзақ.
"Сондықтан республикалық маңызы бар автожолдарды пайдаланушылардан жоғарыда аталған автожолда көріну қашықтығы ашық болғандықтан осы баламалы бағыт бойынша жол қозғалысы қамтамасыз етілгенін хабарлаймыз. Маршруттың ұзындығы 260 шақырым болады".Polisia.kz