Бұл туралы 2024 жылғы 4 қаңтарда үкіметтің баспасөз қызметі хабарлады.
"Қазақстан Республикасы мәдениет және ақпарат министрінің бұйрығымен Мейірлан Ақылбекұлы Раханов Ақпарат комитетінің төрағасы болып тағайындалды", - деп жазылған ресми ақпаратта.
Мейірлан Раханов 1988 жылы Қарағанды облысында дүниеге келген. Қазтұтынуодағы Қарағанды экономикалық университетін бітірген.
Еңбек жолын 2011 жылы Қарағанды әкімдігінің ішкі саясат басқармасында бастаған. 2012 жылы Қарағанды облысы бойынша салық басқармасында жетекші маман болып жұмыс істеді. 2012-2013 жылдар аралығында Қарағанды облысы әкімдігінің ішкі саясат басқармасының бас маманы қызметін атқарған.
2013-2016 жылдары – Ақпарат комитетінің Баспасөз БАҚ бөлімінің сарапшысы, бас сарапшысы. 2016-2021 жылдары – Қазақстан Республикасы Президентінің баспасөз қызметінің сарапшысы, кеңесшісі, инспекторы.
2021 жылғы шілдеден 2023 жылғы желтоқсанға дейін Қазақстан Республикасы Президентінің баспасөз қызметі секторының меңгерушісі болды.
2023 жылдың ақпан айынан бастап Ақпарат комитетінің төрағасы қызметін Елдос Нәшірәлі атқарып келеді.