Қазақстанда барлық республикалық тас жолдар ашылды

Халықаралық және республикалық маңызы бар автомобиль жолдарын басқару жөніндегі ұлттық оператор "ҚазАвтоЖол" ҰК" АҚ бүгін, 2024 жылғы 18 қаңтарда жолдардағы жағдай туралы жаңартылған ақпаратты ұсынды, деп хабарлайды Zakon.kz.

Қазір республикалық маңызы бар жолдарда 277 адам мен 154 техника жұмылдырылған.

"Республикалық маңызы бар жолдардың барлық бағыттарында шектеулер алынып тасталды", - делінген "ҚазАвтоЖол" ҰК" АҚ Instagram парақшасында жарияланған хабарламада.

2024 жылдың 17 қаңтарында ауа райының қолайсыздығына байланысты Қазақстанда жеті жолдың жабылғаны хабарланған болатын.