Тиісті құжат Ақорда сайтында жарияланды.
"Мемлекет басшысының өкімімен Шайх-Хасан Саттарқұлұлы Жазықбаев Қазақстан Республикасы Қорғаныс министрінің орынбасары лауазымына тағайындалды", - деп жазылған ресми құжатта.
Осы жылдар ішінде Шайх-Хасан Жазықбаев жауынгерлік және бітімгершілік дайындықта жауапты қызметтер атқарды. Ол бірнеше әскери бөлімдердің командирі, штаб бастығы – "Батыс" РҚК әскерлері қолбасшысының бірінші орынбасары болды.
1999 жылы Пенза жоғары артиллериялық инженерлік училищесін, 2013 жылы Ұлттық қорғаныс университетін, 2019 жылы Ресей Қарулы Күштері Бас штабының Әскери академиясын үздік бітірді.
Ирактағы инженер-сапер отрядының құрамында бітімгершілік операциясына қатысқан. ІІ дәрежелі "Айбын" орденімен, ведомстволық наградалармен және мерейтойлық медальдармен марапатталған.
Бұған дейін Қасым-Жомарт Тоқаев Жоғарғы Сот Кеңесінің жаңа хатшысын тағайындаған болатын. Бұл Дәурен Мұратбеков болатын.