Төтенше жағдайлар департаменті бүгін, 16 ақпанда қалада жауын-шашын, көктайғақ және ауа температурасының күрт төмендеуі күтілетінін еске салды.
"Аяз фонында электр желілерінің шамадан тыс жүктелуінен, электр құралдарын пайдалану ережелерін бұзудан, газ жабдықтарын, көмір пештерін дұрыс пайдаланбау және қолдан жасалған жылыту құрылғыларын пайдалану салдарынан тұрмыстық өрттердің шығу ықтималдығы артады". Алматы қаласы Төтенше жағдайлар департаментінің баспасөз қызметі
Демалыс күндері сынап бағанасы - 20 градусқа дейін төмендейді.
Мамандардың сөзінше, мұндай немқұрайлылық себебінен өрт қауіпсіздігі ережелерін бұзушылар баспанасыз, кейде денсаулығына зиян келтіріп, тіпті өз өмірлеріне қауіп төндіруі мүмкін.
Алматы қаласы ТЖ департаменті ескертеді:
- бірнеше электр құрылғыны бір розеткаға қосуға қатаң тыйым салынады;
- тоқ көздерге қосылған электр құрылғыларын ұзақ уақыт қараусыз қалдыруға болмайды;
- электр құрылғысының қатты қызуы немесе сымдардың зақымдалған оқшаулауы анықталған жағдайда, оны дереу токтан ажыратыңыз!
- Көміртегі тотығымен газымен улану жағдайда жеке сектор тұрғындарын пештің тартылуын тексеруге шақырамыз. Қажет болса, мұржаны күйеден тазартып, жарықшалар пайда болса - бітеп жабыңыз.
Сонымен қатар, 2024 жылдың 16 ақпанында ауа-райының қолайсыздығына байланысты республиканың кейбір аймақтарында мектеп оқушылары мен колледж студенттері онлайн оқиды.
