30 отбасының шаттық шаңырағына айналатын тұрғын үйдің құрылысын Umtylys Invest Compani ЖШС жүргізген. Мұнда 1 бөлмеден бастап, 4 бөлмелі пәтерлер де орналасқан.
Сурет: Жамбыл облысының әкімдігі
Бұл жобаның бір ерекшелігі – тұрғындар алған пәтерлерінің 30%-ын алдын ала төлесе, қалған бөлігін 5 жылға пайызсыз төлейді. Демек, сіз 10 миллионға пәтер алсаңыз, 3 миллион теңгесін бірден төлеп, қалған 7 миллионын 5 жылдың ішінде үстемеақысыз төлей аласыз. Осылайша, серіктестіктің негізін қалаушы, жеке кәсіпкер Арман Абаев жерлестерімізге пәтерге қол жеткізудің дәл осындай ыңғайлы тәсілін ұсынып отыр.
Сурет: Жамбыл облысының әкімдігі
Пайызсыз баспана алған Дидар Сандыбайқызы ұйымдастырушыларға алғысын білдірді.
"Аллаға шүкір, бүгін кілтті алып жатырмыз. Рақмет. Үйі жоқтарға жұғысты болсын. Қарап шықтым, өте керемет ұнады. Жылы. Ойымдағыдай болды", - дейді баспана иесі.
Сурет: Жамбыл облысының әкімдігі
Жұртшылыққа қолайлы жоба біраз жанға баспаналы болу мүмкіндігін сыйлады.