Полицияның мәліметінше, Lada Priora жүргізушісі қарсы бағытқа шығып кетіп, Toyota Windom көлігімен соқтығысқан. Оқиға салдарынан Lada Priora жүргізушісі, оның екі жолаушысы, сондай-ақ Toyota Windom көлігінің бір жолаушысы оқиға орнында көз жұмды. Зардап шеккен бес адам аудандық ауруханаға жеткізілді. Оқиғаның мән-жайы, қаза тапқандар мен зардап шеккендердің жеке тұлғалары анықталуда.
Оқиғаға қатысты қылмыстық іс қозғалып, қажетті сараптамалар тағайындалды.
Бұған дейін Абай облысында кішкентай балалары бар көлік аударылып кеткені хабарланған болатын.