Шығын көлемін анықтау үшін жергілікті әкімдіктермен арнайы комиссия құрылған. Су тасқыны салдарынан, өлген жануарларының иелері малдары туралы мәліметтерді көрсете отырып, сол комиссияға өтініш беруі керек. Кейін, оның меншік құқығы анықталады. Әр малдың құнын анықтау да, осы алгаритмде көрсетілген.
"Меншік иелеріне өтемақы мөлшері Ұлттық статистика бюросы жариялаған жануарлардың түрлері, жынысы мен жас шамасы бойынша нарықтық құны туралы мәліметтер негізінде айқындалатын болады. Жалпы, су тасқынынан зардап шеккен аймақтардағы эпизоотиялық жағдай, сондай-ақ ауыл шаруашылығы жануарларының иелеріне келтірілген шығынды өтеу мәселелері Қазақстан Республикасы Ауыл шаруашылығы министрлігінің тұрақты бақылауында." Олжас Тілебалдин, ҚР АШМ ресми өкілі
Жедел деректер бойынша, өлген мал саны 8 мың бір жүз бас, оның ішінде ұсақ мал – 6 мың, ірі қара – 1,5 мың, жылқы – 514 бас. Республикалық эпизоотияға қарсы отряд жануарлардың өлекселерін жою жұмыстарын қарқынды жалғастыруда.
