Сот залынан онлайн-трансляцияны Қазақстанның Жоғарғы соты жүргізеді.
11-ші отырысы барысында сот қорғаныс тарапының өтініші бойынша қылмыстық іс материалдарына бұрын белгіленген Мәскеу мамандарының қорытындысын зерттеді. Кейін сот айыптаушы тараптың өтініші бойынша осы қорытындыны дәлел ретінде жол берілмейді деп тану туралы мәселені шешу үшін кеңесу бөлмесіне шықты.
Еске сала кетейік, экс-министрдің ісі елорданың қылмыстық істер жөніндегі мамандандырылған ауданаралық сотында қаралып жатыр және судья болып осы соттың төрағасы Айжан Құлбаева тағайындалды. Күдікті ретінде Қуандық Бишімбаев пен оның ағасы Бақытжан Байжанов айыпталуда.