Қайғылы оқиға 2024 жылдың 28 сәуірінде кешкі уақытта болды. Астрахан ауданы Жалтыр ауылының маңында Мерседес Е200 мен ВАЗ-2107 соқтығысты.
Баспасөз қызметі 29 жастағы Мерседес жүргізушісі Атбасарға қарай, ал ВАЗ жүргізушісі Жақсы ауылынан Астанаға қарай келе жатқанын түсіндірді.
"Жол апаты салдарынан бес адам оқиға орнында көз жұмды, екеуі әртүрлі ауырлықтағы жарақаттар алды". Ақмола облысы ПД баспасөз қызметі
Полицейлер ҚР Қылмыстық кодексінің 345-бабы 4-бөлігі бойынша қылмыстық іс қозғады.
"Ақмола полицейлері жол-көлік оқиғасына ұшырамау үшін жол қозғалысы ережелерін қатаң сақтауға шақырады", - деп түйіндеді баспасөз қызметі.
Бұған дейін Петропавлда тас жолда полицейді қағып өлтіргені белгілі болған. Абайсызда адам өліміне әкеп соққан жол қозғалысы ережесін бұзу дерегі бойынша қылмыстық іс қозғалды. Қазір қылмыскерді іздеу жұмыстары жүргізілуде.