Ведомство басшысы министрлік жылу желілерінің тозуы өте жоғары 12 қаланы анықтағанын атап өтті. 2023 жылдың соңында осы ЖЭС-тердегі орташа тозу 73%-ды құрады:
- Екібастұз – 91%;
- Павлодар – 83%;
- Степногорск – 82%;
- Атбасар – 76,5%;
- Петропавл – 74%;
- Ақтау – 71%;
- Арқалық – 68%;
- Рудный – 68%;
- Семей – 68%;
- Теміртау – 67%;
- Кентау – 65%;
- Риддер – 59,5%.
Министр Қанат Шарлапаевтың айтуынша, алдағы жылыту маусымының үзіліссіз өтуін қамтамасыз ету мақсатында 12 аса маңызды қалада 47,2 шақырым жолды жөндеуге 33 миллиард теңге бөлінген.
Отырыста Премьер-Министр Олжас Бектенов үкіметке келесі жылыту маусымына дайындық бойынша қатаң міндеттер жүктеді. Ол министрлер мен әкімдерге жаз бойы күшейтілген режимде жұмыс істеуді тапсырды.
Ал егер жұмысты аяқтау мерзімі кешіктірілсе немесе сапасы күткеннен төмен болса, тиісті шаралар қабылданады.
