Қытай юанінің орташа сараланған бағамы сәл көтеріліп, 62,27 теңгені (+0,27) құрады.
Ұлттық банк еуро бағамын 482,21 теңге, рубльді 5,05 теңге деп бекітті.
Ақша айырбастау орындарында доллар 453,5-455,1 теңгеге, еуро 485-488,6 теңгеге, ресей рублі 4,96-5,02 теңгеге сатылуда.
Бұл ретте мұнайдың әлемдік бағасы сәуір айынан бері өткен аптадағы максималды өсімнен кейін 17 маусымдағы сауда-саттық барысында төмендеп жатыр.
Лондонның ICE Futures биржасында Brent маркалы мұнай фьючерстерінің бағасы барреліне $82,35 құрады, бұл алдыңғы сауданың жабылу сәтінен $0,27 (0,33%) төмен. 14 маусымда бұл келісімшарттар бір баррель үшін $0,13 (0,2%) арзандап, $82,62 құрады.
Нью-Йорк тауар биржасында (NYMEX) электронды саудада WTI мұнайының фьючерстері қазір барреліне $0,27 (0,34%) арзандап, $78,18 құрады. Алдыңғы сессияның қорытындысы бойынша бұл келісім-шарттардың құны $0,17 (0,2%) – барреліне $78,45 дейін төмендеді.
