Зардап шеккен 72 жастағы жергілікті тұрғынның өтініші Қосшы қаласының полиция бөлімінде тіркелді. Зейнеткердің айтуынша, ер адам оған SIM картасының қызмет мерзімін ұзартуды ұсынған және SMS-ке келген код жазуды сұраған.
Әрі қарай, жәбірленушіге жетекші банктің жалған қызметкерлерінен оның атынан несие алуға өтінім туралы жалған ақпарат келіп түсе бастады, оның күшін жою үшін ер адам жеке ЖСН мен жұбайының ЖСН-ін хабарлауы қажет екенін айтқан.
Алаяқтардың бірқатар нұсқауларын орындағаннан кейін, ер адам қылмыскерлер оған және оның жұбайына несие алғанын білді. Полиция бөлімі осы факті бойынша сотқа дейінгі тергеуді бастады. Полиция департаменті алаяқтардың айлаларынан сақ болуға шақырады.
Сізге немесе Сіздің жақындарыңызға кез келген қызметкер ретінде қоңырау шалып, ұялы нөмірдің мерзімі аяқталатынын айтса, сенбеңіз! SIM-картаның жарамдылық мерзімі жоқ және оларды жаңартудың қажеті жоқ. Ұялы байланысқа қатысты барлық мәселелер бойынша оператормен ресми нөмірлер арқылы байланысқан абзал.
