Сауда нәтижесінде доллардың орташа сараланған бағамы 0,48 теңгеге көтеріліп, 465,28 теңгені құрады.
Қытай юанінің орташа сараланған бағамы дерлік өзгеріссіз қалып, 63,78 теңгені құрады.
ҚР Ұлттық банкінің ресми мәліметі бойынша, доллар бағамы – 464,72 теңге, еуро – 496,32 теңге, рубль – 5,4 теңге.
Бұл ретте мұнайдың стандартты сұрыптарының әлемдік бағасы өткен аптаның соңындағы көтерілгеннен кейін 24 маусымда бірқалыпты төмендеп жатыр.
Лондонның ICE Futures биржасында Brent маркалы мұнайдың тамыз фьючерстерінің құны барреліне $85,17 құрады, бұл алдыңғы сауданың жабылуындағы көрсеткіштен 7 центке төмен.
Нью-Йорк тауар биржасында (NYMEX) электронды саудада WTI мұнайының тамыз айындағы фьючерстері де арзандап, 80,66 долларды құрады. Алдыңғы саудада келісімшарт бір баррель үшін $0,56 (0,7%) арзандап, $80,73 құрады.
