Су арнасының ластануына алаңдаған тұрғындар әлеуметтік желіге бейнежазбалар жариялап, тиісті мекемелерден көмек сұрады.
Жауаптылардың мәліметінше, арыққа аққан лас су өзен-көлдерге құйылмайтын көрінеді.
Ал мұндай жағдайға мекеменің 8 тонна сұйық отынды абайсызда төгіп алуы себеп болған. Сол кезде қызметкерлер оны жерге көміп қана амалдаған, деп жазады qazaqstan.tv.
Дегенмен, биыл орманнан келген қар суы арыққа ағып, сай-саланы толтырғандықтан мазут жер үстіне шыға бастаған.
Мұндай олқылыққа жол берген жылу мекемесі енді айыппұл төлейді.
"Экология департаменті бізге енді тапсырма берді. Ремедиация жоспарын құрастыруға. Сол жоспарды біз 1-ші шілдеге дейін тапсыруымыз керек. Оны қолдағаннан кейін арықты тазалау жұмыстары басталады." Асхат Ілдебаев, серіктестік директоры