Оның айтуынша, реттеуші орта ЖИ қауіпсіз, жауапты және этикалық пайдалану үшін жағдай жасауды көздейді.
"Үздік әлемдік тәжірибеге негізделген ЖИ технологиясын дамыту мақсатында Мәжіліс депутаттарымен бірлесіп, этикалық нормаларды, мемлекеттік реттеуді, жұмыс істеуінің құқықтық режимін қабылдауды көздейтін "Жасанды интеллект туралы" заң жобасы әзірленді. ЖИ объектілері, ЖИ объектілерінің жіктелуі, ЖИ саласындағы мемлекеттік қолдау және стандарттау шаралары қамтылған", - деді министр.
Қазіргі уақытта заң жобасы мүдделі мемлекеттік органдармен және "Атамекен" Ұлттық кәсіпкерлер палатасымен келісілген, деп қосты ол.
"Жасанды интеллект туралы" заңға мемлекет басшысы 2025 жылдың бірінші жартыжылдығынан кешіктірмей қол қояды деп жоспарлануда", - деп қосты Мәдиев.
Бұған дейін сарапшы AI құралдары қазақстандық депутаттарға заң жазуға қалай көмектесетінін айтқан.
Оқи отырыңыз
