"Қазгидромет" РМК-ның мәліметінше, алдағы тәуліктерде республиканың басым бөлігінде солтүстік-батыс циклоны тұрақсыз ауа райын сақтай отырып, синоптикалық жағдайды қалыптастыруды жалғастырады: найзағай ойнап, екпінді жел соғады, солтүстік жартысында бұршақ жаууы мүмкін.
"Қазақстанның солтүстік-батысында 17 және 19 тамызда, ал 18-19 тамызда Қазақстанның солтүстігінде, шығысында және оңтүстік-шығысында қатты жаңбыр жауады", — деп хабарлады синоптиктер.
Болжам бойынша ауа температурасы:
- Республиканың батысында түнде +10+20°С, күндіз +25+33°С дейін көтеріледі,
- Республиканың солтүстік-батысында және солтүстігінде түнде +8+18°С, күндіз +15+23°С,
- орталықта түнде +8+18°С, күндіз +20+28°С,
- шығыста түнде +10+18°С, күндіз ауа температурасы +25+35°С-тан +18+28°С-қа дейін төмендеуі күтіледі,
- оңтүстікте де температура түнде +18+23°С-тан +13+20°С-қа дейін төмендейді, күндіз негізгі фон +28+36°С,
- оңтүстік-шығыста түнде +20+25°С-тан +13+20°С-қа дейін, күндіз +28+37°С-тан +23+30°С-қа дейін төмендейді.
Бұған дейін қазақстандық синоптиктер 2024 жылдың күзіне арналған ауа райының алдын ала болжамын ұсынған болатын.