Ресми шара кезінде Мемлекет басшысының құрметіне зеңбіректен 21 рет оқ атылды. Мұнан соң Құрмет қарауылының бастығы екі ел басшыларына рапорт берді. Қазақстан мен Тәжікстанның мемлекеттік әнұрандары шырқалып, Қасым-Жомарт Тоқаев пен Эмомали Рахмон бір-біріне делегация мүшелерін таныстырды.
Бұдан кейін мемлекеттер басшылары Ақ залға өтіп, шағын құрамда келіссөз жүргізді.
Сапар барысында шағын құрамда және екі елдің үкіметтік делегацияларының құрамында жоғары деңгейдегі келіссөздер өтеді. Саяси, сауда-экономикалық және мәдени-гуманитарлық салалардағы ынтымақтастықты тереңдетуге бағытталған бірқатар екіжақты құжаттарға қол қою жоспарлануда.